Поминаа речиси две недели откако Анџелина Џоли побара развод од Бред Пит, а тој се уште не може да си дојде на себе.
Според UsWeekly актерот е во лоша состојба и не може да поверува што се случило со неговиот живот. Целосно е скршен од случувањата и редовно е во солзи. Единственото нешто поради кое се држи се неговите деца.
-Бара поддршка од семејството и постојано зборува со своите родители, блиските пријатели и менаџерот. Мајка му е тука за него, открива близок пријател на Пит.
Минатата недела Џоли и Пит се договорија таа да го задржи старателството врз децата до 20 –ти октомври, во меѓувреме тој ќе ги посетува децата во придружба на терапевт. Терапевтот ќе треба да оцени дали средбите и понатаму ќе треба да бидат набљудувани. Парот се согласи да оди на советување како одделно, така и во присуство на децата.
Во моментот Анџелина заедно со децата е сместена во изнајмена куќа во Малибу, додека Пит е на имотот во Холивуд.