Каније Вест постојано е под надзор во Медицинскиот центар UCLA, каде што го примија поради премореност и недостаток од сон пред една недела. Сепак, еден извор близок до раперот вели дека тој постојано имал подеми и падови, но овој пат работата е навистина сериозна. Во болницата се однесувал многу параноидно и постојано го набљудувале неговото здравје.
- Се уште е таму, очигледно не е добро, додал изворот.
Каније беше хоспитализиран по еден концерт, при што ги откажа останатите концерти од турнејата. Исто така и Ким веднаш се упати кон медицинскиот центар, за да биде постојано до него.
- Ким е многу загрижена. Тој се уште нема дијагноза, но најверојатно се работи за параноја и мисли дека секој може да му наштети. Единствената личност на која и верува е токму Ким, изјавил изворот.
Се уште не е познато кога Каније ќе го пуштат дома, а моментално е на различни лекови. Сите од блиската фамилија се надеваат дека сè ќе заврши добро.