Двојна трагедија го погоди семејството на актерката Кери Фишер, откако само ден по нејзината смрт, почина и нејзината мајка, Деби Рејнолдс.
Според информациите кои беа објавени во медиумите Рејнолдс починала вчера попладне, по ударот кој го добила во куќата на својот син Тод Фишер.
Осумдесет и четири годишната актерка го организирала погребот на Кери, кога и се слошило, по што веднаш била пренесена во најблиската болница.
-Многу ми недостига, сакам да бидам со Кери, се зборовите кои Рејнолдс му ги кажала на синот Тод, во текот на вчерашното утро.
Деби Рејнолдс беше вистинска холивудска легенда, која ќе ја запаметиме по улогата во култниот „Singing in the Rain“ во кој глумеше покрај Џин Кели, но и по низа други улоги кои ја одбележаа нејзината кариера. Таа помина низ два бурни развода, еден со таткото на Кери и Тод, Еди Фишер, кој ја изневери со Елизабет Тејлор и вториот со Хари Карл, кој ја доведе до банкрот поради коцкарските долгови.
Рејнолдс беше мошне поврзана со својата ќерка, па многумина велат дека доживеала удар од преголема болка по изгубеното чедо.
