Велат дека нема втора шанса за прв впечаток, но тоа не важи во светот на познатите.
Дури и кога ќе потфрлат на Оскарите, тие секогаш ја имаат традиционалната забава на Vanity Fair магазинот, каде што може да се престават во подобро светло.
И додека црвениот тепих на Оскарите и не беше нешто посебно, ѕвездите се потрудија да не ја направат истата грешка и за оваа забава. Некој покажа нога, друг гради, трет се определи за фустан со необичен крој.
Меѓу многуте двојки кои што имавме можност да ги видиме на постоскаровската забава беа и Џејсон Статхам и неговата девојка, манекенката Роузи Вајтли – Хантингтон, која за прв пат го покажа трудничкото стомаче на јавен настан.
Сексапилната Софија Вергара не се одделуваше од својот сопруг супер згодниот Џо Мањаниело, а истото важеше и за Кети Пери и Орландо Блум кои изгледаа вљубено исто како првиот ден кога стапија во врска.