Војвотката од Кембриџ не се шегува кога станува збор за изгледот. За само неколку часа смени три облеки и блесна во полн сјај.
Најпрвин ја видовме во зелена креација од колекцијата на дизајнерката Кетрин Вокер, во честа на славењето на Св. Патрик.
Само неколку часа подоцна таа и принцот Вилијам заминаа за Париз, каде војвотката набрзина се пресоблече во црн елегантен фустан модел од Alexander McQueen.
Крајот на вечерта беше резервиран за омилената дизајнерка на принцезата, Џени Пекам.
Видно расположена и насмеана, Кејт не дозволи неодамнешните случувања, да и го расипат денот, па срдечно се поздравуваше со присутните и уживаше во балот, токму како што и доликува на една војвотка.