Изминатава недела целиот свет пишуваше дека Џорџ и Амал Клуни добија близнаци, Ела и Александар.
- Ела, Александар и Амал се здрави, среќни и добри. Џорџ е под седативи и би требало да се опорави за неколку денови, стоеше во соопштението кое го објави претставникот на Џорџ за медиумите.
Некои се уште не веруваат дека холивудскиот заводник конечно стана татко, со оглед на неговите долгогодишни афери и флертови поради кои полудуваа многу познати убавици. По разводот од Талија Балзам, пред повеќе од 20 години, тој повеќе не сакаше да влезе во брачните води, а децата воопшто не му беа во план.
Сепак, пред четири години, во неговиот живот се појави правничката и активистка Амал Аламудин, па тој наеднаш го промени тоа мислење. Таа со својата убавина и памет, успеа да го освои Џорџ, а по само две години, успеа да го понесе до олтар и да се венчаат.
Заедно уживаа во бракот, а набрзо сфатија дека е време да го прошират семејството, па во февруари објавија дека чекаат близнаци. Ниту еден од нив двајца, не сакаше да го објави полот не бебињата, се додека долгогодишната пријателка Синди Крафорд не објави фотографија од две бебешки бодиња – розово и сино.
Како што е познато, четиричлената фамилија ќе живее во Англија, каде што во 2014 година Амал и Џорџ купија куќа од 17-ти век.