Гал Гадот е супер жена како на големиот екран, така и во реалниот живот. Актерката даде сè од себе за да го развесели малото девојче кое и побара автограм за време на Justice League средбата што се одржа во Сан Диего.
Децата се премногу возбудени кога ќе го сретнат својот идол, што беше случај и со девојчето кое не можеше да ги запре солзите кога ја запозна Гадот.
Актерката веднаш ја смири ситуацијата велејќи и дека сега откако се пријателки, нема повеќе причина за плачење.
Езра Милер, кој седеше до Гадот се придружи кон смирувањето на расолзеното девојче со зборовите дека и таа е воин.
-Мислам дека способноста да плачеш, те прави воин. Придружи се кон Justice League кога ќе бидеш подготвена, рече тој.
Екипата на Justice League викендов се дружеше со обожавателите и потпишуваше автограми. Се разбира меѓу најверните обожаватели беа децата кои дојдоа да се запознаат со своите супер херои.
