Познатата писателка Диан Клејн во својата нова книга „Imagining Diana“ пишува што би се случувало кога принцезата Дајана би ја преживеала сообраќајната несреќа во Париз, 1997 година.
Според неа, Дајана би се преселила во Америка, каде што би побарала нов почеток во животот, би се смирила со својата голема љубов – хирургот Хаснат Кан.
Диан ја добила оваа идеја да пишува за тоа каков би и бил животот на принцезата доколку денес би била жива, откако пред две години се сретнала со братот на Дајана, Чарлс Спенсер.
- Сфатив дека знаеме сe за Дајана, но она што не го знаеме е што би се случило ако преживееше, вели писателката.
Во книгата, таа ја пишува алтернативната иднина на Дајана која никогаш не се случила. Диан смета дека откако Дајана би се разбудила од кома, би се обвинувала себеси за смртта на Доди Ал Фајед. Потоа, би се потрудила да им објасни на своите деца зошто се разделиле со Чарлс.
Писателката објаснува и како таа би се чувствувала покрај убавата и млада Кејт Мидлтон. Иако на почеток би чувствувала љубомора, Дијана би ја земала под своја заштита.