После десет месечната врска Селена Гомез и Абел Тесфај познат за јавноста како The Weeknd се разделија.
Извори блиски до парот тврдат дека причината се крие во обврските кои тие ги имаат.
Претешко е една врска да се сочува ако Селена има снимање во Њујорк, а Авел светска турнеја. Тоа не беше воопшто лесно за нив. Засега се разделени, но тие сеуште се во контакт, тврдат нивните пријатели потврдувајќи го разделувањето на парот.
Селена неодамна беше поврзувана со нејзиниот претходен дечко Џастин Бибер со кој беше забележана како појадува, а потоа присуствува на црковна служба.
Според одредени гласини само случајност е тоа што разделбата на Селена и Абел се случи веднаш откако се забележани Џастин и Селена заедно, но тврдат и дека Џастин сака да се смири со неа и да и докаже колку е променет.
Пријателството со Џастин се обнови откако тој дозна дека за младата пејачка е потребна трансплатација на бубрег.
Тие својата четири годишна врска ја прекинаа во 2014 година.
Во меѓувреме корисниците на социјалните мрежи забележаа дека Тесфај од својот Instagram профил отследи голем дел на Инстаграм корисници меѓу кои и мајката на Селена, најдобрата пријателка која воедно и донираше бубрег Франциа Раиса, но не и неговата сега веќе бивша девојка.