Да се одржува една врска е тешко, особено кога сте јавна личност и кога папараците ве следат на секој чекор. Сè што се обидувате да сокриете од будното око на јавноста е скоро невозможно, особено кога станува збор за неверство и љубовен триаголник.
Еди Фишер, Деби Рејнолдс и Елизабет Тејлор
Деби Рејнолдс и Еди Фишер на времето беа добро познат пар во Холивуд. Кога нејзината најдобра пријателка, Елизабет Тејлор, се омажи за нејзиниот трет сопруг Мајк Тод, Фишер и Рејнолдс беа покрај неа.
По трагичната авионска несреќа во која Тод го загуби животот, Фишер реши да се разведе од Деби и да се ожени со Елизабет Тејлор.
Години подоцна Елизабет се разведе од Фишер и повторно го обнови пријателството со Деби.
Линдзи Лохан, Арон Картер и Хилари Даф
Арон Картер започна да излегува со познатата тин ѕвезда Хилари Даф во 2001 година. Тој остана две години во врска со неа, но во текот на врската истовремено излегуваше и со Линдзи Лохан. Всушност нештата се измешаа и тој остана без двете во 2003-та година. Линдзи Лохан и Хилари Даф беа во лоши односи, а Линдзи дури и и се потсмеваше на сметка на Хилари во неколку емисии.
Анџелина Џоли, Бред Пит и Џенифер Анистон
Бред Пит и Џенифер Анистон изгледаа како најсреќната холивудска двојка додека во приказната не се вмеша Анџелина Џоли. Бред и Џоли се запознаа на снимањето на Ms.&Mrs. Smith каде ја започнаа својата љубовна афера. По ова Анистон и Пит се разведоа и Бред остана со Џоли. Тие стапија во брак пред некоја година, но потоа покренаа бракоразводна парница.
Тајга, Блек Чајна и Кајли Џенер
Тајга и Блек Чајна започнаа да се гледаат во 2011 година, а подоцна го добија нивниот син Кинг Каиро. Нивната свршувачка ја прекинаа во 2014 година кога и се разделија. Подоцна Тајга заврши со Кајли Џенер, а во 2016 година Блек Чајна започна врска со постариот брат на Кајли, Роб Кардашијан со кој набрзо се вери и ја доби нивната ќерка Дрим Рене Кардашијан. Веднаш по разделбата на Кајли и Тајга, пукна и врската на Роб и Блек Чајна, а Блек Чајна ги обвини Кардашијан/Џенер за нивната разделба со Роб.