За многумина во модниот бизнис, Кендал Џенер, е само уште една девојка која паметно го искористи својот публицитет и врските добиени од Кардашијан кланот за да успее во модниот бизнис.
Сепак, изгледа дека на Кендал и тргна од рака многу повеќе од тоа, па успеа да го наметне своето влијание на модните писти. Таа сега може да се пофали со тоа дека ја тргна од врвот Жизел Бундшен, која според Forbs, 15 години важеше за најплатен модел во светот.
Џенер годинава заработи неверојатни 22 милиони долари, приходи кои доаѓаат од договорите со познатите брендови како Estée Lauder, La Perla, Adidas и Fendi, а воедно и семејното шоу „Keeping Up With The Kardashians“.
Иако не беше дел од тимот на ангели кои настапија на Victoria’s Secret шоуто, што се одржа во Шангај, Џенер може да биде мошне задоволна од успешната финансиска година.
Веднаш зад неа на листата на најплатени модели се најдоа Жизел со 17, 5 милиони долари и Кристи Тајген со 13,5 милиони.