На Златните глобуси кои се одржаа оваа година, речиси секоја жена беше облечена во црно како знак на поддршка на оние кои претрпеле сексуално малтретирање или пак напад.
Но, сите ѕвезди не се придржуваа кон црниот кодекс на облекување.
Барбара Мајер
Барбара Мајер е една од оние кои го избегнаа кодексот на облекување, а за овој настан таа реши да облече светкав бледо розев тесен фустан со завршетокот од реси кои паѓаа на црвениот килим.
Бланка Бланко
Иако подоцна се огласи на Twitter и објасни дека проблемот со сексуалното малтретирање е поголем од бојата во која бил нејзиниот фустан и дека црвената боја е страсна, сепак коментарите кои ги доби за таквата одлука не беа воопшто учтиви и позитивни. Бланка реши да се обрати и до Fox објаснувајќи дека нејзините чувства се повредени, но сепак претпоставува дека и тоа е дел од индустријата во која е навлезена.
Мехер Татна
Претседателката на Hollywood Foreign Press Association, Мехер Татна се појави облечена во црвен фустан. Според неа црвената боја е традиционална индиска боја која се облекува за настани и прослави, па поради тоа и таа се одлучила на ваков потег. Сепак, на својата облека како знак на солидарност кон нејзините колешки имаше закачено беџ на кој го пишуваше слоганот Time’s Up по кој се водеа оние кои ја изразија својата поддршка.