Џенифер Лоренс беше мета на критики по нејзината одлука да се појави само во тоалета дизајнирана од Версаче, додека нејзините колеги се појавија наоблечени во шалови и капути.
Испровоцирана од осудувањата, познатата актерка реши да се обрати преку нејзиниот Facebook профил за да ја одбрани својата одлука да ја носи прекрасната тоалета.
-Уау. Јас навистина не знам од каде да почнам со онаа„Џенифер Лоренс облече фустан кој открива многу на овој студ“ контроверзност. Ова не само што е крајно смешно, туку е и исклучително навредливо. Фустанот на Версаче беше фантастичен, мислите дека ќе го покријам тој прекрасен фустан со капут и шал? Јас бев надвор само пет минути. Јас би застанала во снегот за тој фустан затоа што ја сакам модата и тој беше мојот избор. Ова е сексистички, ова е смешно...Oва не е феминизам. Претераното реагирање за се што некој рекол и направил, создавањето контроверзии за глупави и безвредни работи како што сум избрала да носам или не, не нè движат напред. Тоа создава глупо одвлекување од вистинските проблеми. Се што гледате дека носам е мојот избор. И ако сакам да ми студи, тоа е мој избор исто така!, пишува во објавата на Лоренс на Facebook.
Реакцијата на актерката беше разбирлива откако стана центар на вниманието на медиумите поради нејзиното „слабо“ облекување.
На самото пристигнување Џенифер носеше палто врз фустанот, но го соблече за време на фотосесијата.