Бракот на Чанинг Татум и неговата сопруга Џена важеше за еден од најстабилните во Холивуд, па токму затоа веста за нивната разделба на многумина им дојде како вистински шок.
Пред медиумите да започнат со шпекулации поврзани со разводот, парот го искористи Instagram за да објави порака околу одлуката за разделба по 9 години заеднички живот.
-Апсолутно ништо не е сменето во однос на тоа колку се сакаме еден со друг, но љубовта е прекрасна авантура која за сега нè носи на различни патишта, велат тие и додаваат дека нивното разделување не е поради некаков скандалозен настан или пак поради некаква тајна.
Парот се запозна на снимањето на филмот „Step Up“ во 2006-та година, а стапи во брак по три години врска. Како Чаниниг, така и Џена, секогаш отворено зборуваа за својата врска, за предизвиците во бракот, а воедно и за својот сексуален живот.