Семејната драма што викендов се случи во домот на Наташа Беквалац и нејзиниот сопруг Лука Лазукиќ, предизвика лавина од реакции низ цела Србија.
Откако пејачката го пријави Лазукиќ за физичко насилство, судот му даде забрана да и се доближува. Додека медиумите на големо шпекулираат околу тоа што точно се случило зад затворени врати, Беквалац се повлече во својот дом и е недостапна за изјави.
Во меѓувреме од пред нивниот заеднички стан, екипата на Блиц улови човек со куфер, за кој се верува дека му е близок пријател на Лазукиќ. Истиот човек бил забележан и пред домот на родителите на Лука.
Семејното насилство низ кое помина пејачката беше осудено од многу како јавни така и сосема обични личности кои и дадоа поддршка преку своите профили на социјалните мрежи. Сепак, имаше и такви кои сметаат дека Наташа некако си го „заслужила тоа што го добила“.
Ваквите коментари ја испровоцираа Гоца Тржан јавно да ја коментира целата ситуација.
-Без патетична желба да собирам лајкови со твитови за насилството над жените, затоа што не сакам на жртвата да и долевам сол на раната, но секогаш ме разочарува тоа што жените им се на другите жени најголеми волци и најлоша инквизиција, напиша таа.