Многу луѓе се нашле во ситуација кога случајно се сретнале со некоја поранешна љубов додека се во придружба на својата сопруга или сопруг. Некои избираат да се поздрават, додека други решаваат да ја игнорираат личноста како воопшто да не ја познаваат.
Не знаеме дали Меган Маркл е љубоморна сопруга, но нејзиниот сопруг, принцот Хари во нејзино присуство ги игнорира бившите.
Хари се најде во небрано откако за време на едно излегување со војвотката се најде во иста просторија со една од девојките со кои се забавувал, актерката Џена Колман.
-Хари мораше да помине покрај Џена за да дојде до масата на која што требаше да седи со Меган. Беше мошне чудно, а некои од другите гости дури и коментираа за тоа. Џена гледаше во земја, додека Хари пред себе. Меган изгледа дека не забележа. Го помина целиот појадок со насмевка на лицето, додека Хари изгледаше дека му е непријатно. Беше супер пријателски расположен со сите, но се однесуваше како Џена воопшто да не е тука, открива очевидец на настанот.
Џена и Хари се забавуваа во 2015-та, но поради нивните збиени распореди нивната врска не премина во ништо посериозно.