Српскиот пејач Дарко Лазиќ утрово доживеа тешка сообраќајна несреќа по што беше префрлен во болница во Земун. Според Блиц, Лазиќ има повреди на главата, скршени ребра, моментално е на седативи и мора на операција.
Ова го потврди и доктор Драгош Стојановиќ, инаку директор на болницата.
-Дарко Лазиќ во моментот се наоѓа во животна опасност и неблагодарно е да се даваат било какви прогнози. Донесен е тука веднаш по несреќата. Има тешки повреди или таканаречена политраума, вели тој.
Според неофицијални информации Лазиќ тврдел дека тој не го возел автомобилот, но доказите велат поинаку. Се уште останува непознато зошто пејачот излетал од патот и дали бил под дејство на алкохол.