Новата книга „Inside Out“ на холивудската актерка Деми Мур, од ден на ден, предизвикува сè поголемо внимание, особено откако во јавноста излегоа детали за нејзиниот брак со 15 години помладиот Ештон Качер.
Мур и Качер започнаа да се гледаат во 2003-та и по две години ја официјализираа својата врска со брак. Сепак, зад она што навидум изгледаше како среќна љубовна врска во која Мур конечно да го нашла вистинскиот маж за себе, нештата беа сосема поинакви.
Во „Inside Out“ актерката открива дека имала спонтан абортус, а воедно и дека Ештон Качер ја убедувал да има секс во тројка.
-Сакав да му покажам колку супер и кул можам да бидам, но тоа беше грешка, раскажува таа. Мур откри дека сакајќи да му удоволи на својот тогашен сопруг, два пати имале тројка.
Но, ваквиот потег само направил уште поголем раздор во нивниот брак бидејќи Ештон започнал да ја изневерува со други жени. Една од нив е Британи Џонс која своевремено изјави дека Качер спиел со неа во домот кој го делел со Мур, додека таа била на патување. Иако Ештон ја негираше аферата, во книгата, актерката вели дека дознала за изневерувањето.
-Ештон го оправдуваше направеното со објаснување дека нештата станале нејасни откако сме донеле трета личност во нашата врска, објаснува Деми.
Според UsWeekly, Качер ни малку не е лут или разочаран, што неговата поранешна сопруга реши да ги извади интимните детали од нивниот брак на виделина. Тој смета дека тоа е нејзината верзија на вистината, а со тоа има потполно право да ја сподели со јавноста.