Мачниот, тежок и според многумина - „малициозен“ развод на Кевин Костнер и Кристин Баумгартнер, се чини, е блиску до мирна завршница. Според гласноговорникот на актерот, двојката се смирила.
- Кевин и Кристин Костнер дојдоа до пријателски и заеднички договор за решавање на сите прашања поврзани со нивната разводна постапка, изјави неговиот претставник за „People”.
А пак, извори блиски до Кристин велат дека таа морала да се согласи со условите на Костнер.
-Кристин немаше друг избор освен да се согласи со она што го бара Кевин, бидејќи тој ја имаше целата моќ и ги држи конците во свои раце. Ако продолжи со борбата, на крајот таа ќе загуби сѐ... Исто така, таа вели и дека ова е победа за децата, бидејќи ниту едно дете не сака да мине низ вакво нешто, особено пред очите на јавноста, открива пријател на Кристин за „Дејли мејл“.
Според неименуваниот извор, таа всушност никогаш не сакала да биде дел од „целиот тој циркус“ и претпочитала работите да ги решат вон Судот.
Инаку, сѐ почна кога Кристин побарала од познатиот актерот да ѝ плаќа 175.057 долари месечно за нивните три деца да живеат ист начин со секој родител. Баумгартнер притоа, наводно, во документите тврдела дека децата, на пр., кога се со својот татко, престојуваат во куќа на плажа во вредност меѓу 65 и 95 милиони долари и патуваат со приватни авиони додека се на луксузен одмор со него.
Актерот, од своја страна, тврдеше дека поранешната сопруга, инаку дизајнерка за чанти, се грижи само за подобрување и одржување на својот животен стил.