Рита Ора секогаш знае како да го привлече вниманието на себе со некоја екстравагантна креација. Сепак, овој пат го подигна нивото на црвениот тепих со својата рептил трансформација.
Нејзиниот изглед за Британските модни награди кои што се одржаа во Ројал Алберт Хол во Лондон, несомнено е нешто што не сме го виделе до сега.
Од напред изгледа дека Ора носи елегантен црн фустан, но она во што сите гледаат е нејзиниот грб од кој излегуваат сребрени шилци од диносаурус.
Фустанот е дел од колекцијата на Рита со highstreet продавницата Примарк и ќе може да се купи по цена од 50 фунти, а целиот приход ќе биде дониран на хуманитарната организација „Breast Cancer Now“.
-Овој дизајн ми значи многу, не само затоа што го има моето име на него, туку затоа што сите приходи од фустанот ќе го поддржат „Breast Cancer Now“ причина што поддржува луѓе како мајка ми кои се бореа толку храбро и преживеаја преку сопствените битки со ракот на дојката, изјави Ора.