Холивудскиот актер Бред Пит се стави сам себе си на продажба на сајтот за он лајн лицитации eBay, за да собере пари за хуманитарни цели.
„Купувачот“ кој ќе даде најдобра понуда ќе може да се запознае со популарниот актер и со него да разговара.
Средбата ќе биде организирана во Луизијана, бидејќи Пит планира парите што ќе ги собере да ги подари на Њу Орлеанс, кој во 2005 година е разорен во налетот на ураганот Катрина.
Актерот сака да му помогне на здружението „Make it Right“ кое гради куќи за оние кои ги изгубиле во природната катастрофа која го зафати нивниот град.
Најдарежливото лице ќе може да се ракува со Бред Пит, да разговара со него и да помине два дена во хотелот „Хајат“ со лице по свој избор.