Мадона и нејзиниот менаџер Гај Осеару се бесни што нејзината нова песна Дај ми ја целата твоја љубов (Give Me All Your Love) се појави на Интернет, па двајцата тргнаа во потрага по виновникот.
Песната се појави во неавторизирана, демо верзија, па иако на Осеару му е драго што таа доби позитивни критики, лут е заради целиот инцидент. Тој преку Твитер ги замили сите кои го следат да помогнат во потрагата по виновникот.
-Планот беше новата музика да излезе во новата година. А некој ја објавил демо верзијата. Среќен сум заради позитивните реакции, но многу сме лути што некому му падна таквата идеја. Помогнете ни да го пронајдеме виновникот и да го спречиме. Мадона ми кажа дека е сигурна дека ниту еден вистински фан не би направил такво нешто. Многу нешта ви подготвивме, но ве молиме, почитувајте го процесот, напиша менаџерот на Твитер.
Во финалната верзија на песната ќе се најдат и Ники Минај и М.И.А., а новиот албум на Мадона ќе излезе следната година.