Боби Браун најверојатно нема да присуствува во сабота на погребот на својата поранешна сопруга Витни Хјустон.
Неколку членови на семејството на неодамна починатата пејачка изјавиле дека не сакаат да го видат на погребот.
Браун планирал да дојде за да биде покрај ќерка му Боби Кристина, но од семејството Хјустон му е порачано дека ни најмалку не е добродојден.
Во семејството Хјустон го сметаат одговорен за долгогодишните проблеми на Витни со дрогата и алкохолот, па затоа не го сакаат неговото присуство на погребот.
Браун сепак се надева дека Хјустонови ќе ги стават на страна своите несогласувања со него за еден ден и ќе му дозволат да дојде.
Витни Хјустон и Боби Браун се запознале во 1990 година, а се венчаа две години подоцна. Заедно ја имаат 18-годишната ќерка Боби Кристина.
Се разведоа во 2007 година со голем број меѓусебни обвинувања за насилство и употреба на дрога и алкохол, со кои го полнеа таблоидите. И покрај неславниот крај на нивната врска, Витни и Боби останаа во добри односи.