Безживотното тело на Витни Хјустон, поставено во погребен сандак заврши ни помалку ни повеќе туку на насловната страна на National Enquirer. Фотографијата објавена со наслов „Витни: Последната фотографија!„ ја прикажува починатата дива во виолетов фустан и впечатлив накит, кој според магазинот чинел 500 илјади долари.
Фотографијата предизвика бурни реакции во јавноста, особенo на социјалната мрежа Twitter, каде голем број корисници ја изразија својата згрозеност од морбидната насловна страна.
Enquirer објави дека фотографијата на Витни била снимена во капелата каде што било изложено телото, но не го откри името на лицето кое ја снимило.
Витни Хјустон почина на 48-годишна возраст, а во саботата беше закопана во Њу Џерси, во присуство на семејството и нејзините најблиски роднини и пријателите.