Водителот на “Златна Бубамара на популарноста“ ,Сашко Коцев, вечерва пред преполната Универзална сала ја запроси својата девојка.
По двочасовниот хумор, препознатлив за “Златна Бубамара на популарноста“ што го приреди Сашко, тој одеднаш стана сериозен. Почна да зборува за љубовта и рече дека тој ја нашол својата сродна душа. Со прекрасната изведба на Каролина Гочева на песната “I will always love you “ на сцената, актерот и водител го приреди најромантичното јавно запросување. Пред преполната сала ја побара за жена неговата девојка, докторката Смилјана, која секако кажа “да“.
Сашко на крај се пошегува дека ја започнал вечерта како ерген, а ја завршува како оженет човек.