Низ Холивуд се шират гласини дека популарната пејачка Ријана му дала втора шанса на своето поранешно момче – Крис Браун.
Парот бил виден во њујоршкиот клуб Грифин, а непознатиот извор го споделил своето сведочење со порталот E! Online.
На Браун, кој прв дошол во клубот, му се придружил негов пријател, а потоа пристигнала и Ријана, која седела на масата до нив.
- Таа знаеше дека е тој таму. Во еден момент Крис се качи на столот и скокна врз неа. Таа му ја соблече блузата и отидоа на подиумот да играат и да се галат, вели изворот.
По забавата, околу 4 часот наутро, Крис тргнал да си оди дома, а убавицата од Барбадос си заминала пет минути после него.
На неодамна одржаните MTV Video Music Awards, можевме да видиме фотографии на кои јасно се гледа како тие двајца се бакнуваат, а извори велеа и дека биле видени како излегуваат заедно од хотел.
За потсетување, сè уште трае судскиот процес против Браун заради нанесување физички повреди на Ријана во 2009-та година.