Само два дена по официјалното соопштение дека Кејт Мидлтон е бремена и нејзината хоспитализација во болницата King Edward VII поради истоштувачки утрински мачнини, следува првиот скандал.
Едно австралиско радио дуо реши да се јави во болницата во која е сместена Мидлтон и да се распраша за нејзината здравствена состојба. Сепак, наместо класично јавување тие изведоа имитација на кралицата Елизабета II и принцот Чарлс и побараа да се слушнат со принцезата. Нивната луда шега успеа, па една од вработените во болницата им даде ексклузивни информации за Кејт.
Болницата потврди дека навистина добила ваков повик и го оцени како лоша и сосема невкусна шега, додека палатата остана без коментар.
Некои слатко се изнасмеаја на лажниот акцент и на досетливоста на радио водителите, додека други сметаат дека шегата е невкусен начин да се вознемири идната мајка.