Имиџот на Севе Интернационале деновиве се повеќе тоне во вода, откако нејзиниот поранешен партнер, Милан Поповиќ реши да ги отвори картите и да ја каже својата верзија од приказната. Досега Северина се претставуваше себе си како жртва, но според Поповиќ, пејачката е прилично манипулативна во своите намери.
-Молчев на нејзините изјави дека сме се помириле, па потоа сфатив дека Северина на патот до своето медиумско експонирање не избира жртви и гази сè по ред, изјави српскиот бизнисмен.
Додека таа велеше дека со Милан имале одлична врска, па дури и еден период живееле заедно, Поповиќ категорично демантира.
-Никогаш немаше заеднички живот. Северина и јас го поминувавме времето заедно, но не во класична смисла на зборот да сме делеле кревет или нешто слично, тоа не беше така. Таа живееше во Загреб и Сплит, јас во Белград, додава тој.
Северина неодамна го доби старателството над синот Александар и алиментација од 2000 евра месечно. Сепак, пејачката не е задоволна и ќе поднесе жалба бидејќи смета дека сумата е премногу мала за бизнисмен од калибарот на Поповиќ.