Најпопуларниот српски пејач Жељко Јоксимовиќ и неговата жена Јована вчера во 18:30 часот го добија синот Коста.
Гордиот татко веднаш за убавата вест се пофали на Twitter:
- Денеска во 18:30 часот нашиот син Коста го вдиши животот со полни гради. Среќен сум што личи на мојата љубов, напиша синоќа Јоксимовиќ на Твитер.
Жељко од својот прв брак ја има ќерката Мина, која неодамна го „запали“ Балканот со нејзините провокативни фотографии.
Втората сопруга Јована, Јоксиновиќ ја запозна во 2008 година, кога водеа Евровизија во Белград, а се венчаа во 2012 година.
Тие кога се запознале и двајцата биле веќе зафатени и имале врски, но сфатиле дека се еден за друг и ги оставиле тогашните партнери за да започнат врска. Јоксимовиќ вели дека покрај малиот Коста сега повторно ќе ужива во сите волшебства на родителството.