Српската убавица која полека, но сигурно го освојува светот, Бојана Крсмановиќ, вели дека често ја споредуваат со Синди Крафорд, но и признава дека е задоволна од големината на женските артибути по кои е позната во светот на модата.
Модните магнати се воодушевени од харизмата на Бојана, а убавицата работеше бројни рекламни кампањи за долна облека, иако таа не е преслаба и не спаѓа во посакуван манекенски т.е. анорексичен изглед, што е императив во модниот свет.
- Ми говореа дека морам да ослабам. Императив се слаби девојки, но јас ги сакам женските облини и сметам дека тие се голем плус бидејќи овозможуваат широк спектар на работи, вели црнокосата бомба.
Манекенката која во јавноста е позната по спотовите, но и по врските со познатите личности од Балканот, вели дека обожава да јаде, а својата тежина ја регулира во теретана.
- Кога вежбам, обично одам во сала, а тоа ми е доволно за одржување на посакуваната линија, така што немам некои посебни диети и не внимавам многу што јадам. Сепак се трудам да внесувам храна која има повеќе протеини и поголема количина на вода, која е клуч за чистење на организмот. Сакам храна и си дозволувам на себе да се опуштам, вели Крсмановиќ.