Како и сите останати, и славните имаат свои тајни и тешки животни моменти, но за разлика од нас, ретко кога успеваат да ги скријат од будното око на јавноста.
Актерка Шарлиз Терон израснала на фарма во близина на Јоханесбург, каде што живеела со својот татко Чарлс и мајка Герда. Во летото од 1991-та година, кога Шарлиз имала 15 години, била сведок на убиство. Нејзината мајка го застрелала нејзиниот татко во самоодбрана. Актерката во 2004-та го спомена овој инцидент во интервју и оттогаш не говори за тоа.
Таткото на Вуди Харленсон, Чарлс, бил платен убиец. Откако излегол од затвор поради едно убиство, бил осуден на доживотен затвор поради друго убиство. Чарлс го убил федералниот судија Џон Х.Вуд. Чарлс умрел во затвор во 2008-та, а Вуди подоцна во едно интервју откри дека тие имале добар однос, со оглед на околностите.
Родителите на Мараја Кери се развеле кога таа имала 3 години. Таа и нејзиниот брат заминале да живеат со мајка и, а нејзината сестра Алисон останала да живее со татко и. Мараја со време го изгубила контактот со татко си, но и со Алисон, која потоа станала зависничка од тешки дроги и ескорт девојка. Откатко Алисон родила, следела битка за детето, а Мараја се ангажирала со цел детето да и биде одземено на мајката зависник.
Иако за таткото на Линдзи Лохан се знае скоро сè, малку е познат фактот дека тој има уште една ќерка со друга жена, откако во 2012-та бил подложен на тест за утврдување на татковството. Мајкл го признал девојчето Ешли и наводно и ветил помош доколку влезе во забавната индустрија. Иако тајните на Лохан често се изнесуваа во медиумите, како секс листата на Линдзи со познатите личности, актерката скоро никогаш не збори за својата полусестра, ниту пак сака да ја запознае.