Подготовките за венчавката на Новак Ѓоковиќ и неговата свршеница Јелена Ристиќ веќе се при крај.
Ноле и Јелена со приватен авион вчеравечер пристигнаа во Црна Гора каде што ќе се погрижат за последните детали поврзани со утрешниот ден.
Организаторите не оставаат ништо на случајноста. Според магазинот Ало, специјалците веќе блокирале дела од Црногорското приморје, додека за време на церемонијата антитерористичките единици на Црна Гора будно ќе го следат секој чекор на парот.
Јелена и Новак бараат голема дискреција од целиот персонал кој се грижи за нивната венчавка, па затоа е забрането откривање детали како и користење на мобилни телефони и апарати.
За потребите на венчавката е затворен и магистралниот пат кој води до местото каде Ноле и Јелена ќе го кажат судбоносното ДА.
-На Новак му е мошне важно неговите гости кои доаѓаат од различни делови од светот да бидат доволно далеку од очите на јавноста и во суштина тоа е главната причина за забраната на мобилни, апарати и блокирање на магистралата за случајни минувачи во тој дел од островот.
Идните младенци вечерва ќе имаат приватна забава, а утре гламурозно ќе се венчаат на ресортот „Аман“. Црквената церемонија ќе биде изведена дури во сабота бидејќи тогаш завршува постот.