Најдобриот светски тенисер, Новак Ѓоковиќ и неговата сопруга Јелена, се вратија во Белград од каде им се заблагодарија на сите оние кои им го честитаa бракот.
-Госпоѓа Ѓоковиќ и јас ви испраќаме голема прегратка од Белград! Фала им на сите за преубавите желби. Последните неколку недели беа најубавите во нашиот живот, па сега со нова енергија тргнуваме во нови предизвици, напиша Ноле на својот FB профил.
За само половина час неговиот пост достигна 27 илјади лајкови, а доби и околу 1000 коментари од верните обожаватели кои му посакаа се најдобро.
Новак и Јелена, вечера беа забележани при своето пристигнување во Белград како излегуваат од VIP влезот на аеродромот.
Парот се врати од Полихроно каде што го помина својот меден месец. Ноле и Јелена ќе останат во Белград неколку дена за да се дружат со семејството и пријателите, а потоа се враќаат на своите секојдневни обврски.
