Фармерките на Ким Кардашијан се навистина нешто посебно. Знаејќи колкав задник има Кими, просто е невозможно да се замисли во фармерки, а уште помалку да се види.
Сепак, КК некако успева да го најде вистинскиот модел и да ги стегне своите огромни облини во него.
Реaлити ѕвездата гостуваше во шоуто на Џими Кимел каде што најпрвин пристигна во тесни фармерки, за потоа да се појави во панталони и нагласено деколте.
За време на гостувањето Кардашијан зборуваше за својата венчавка со Каније Вест и откри интересни детали за големиот ден, како информацијата дека нејзината сестра Клои не можела да се отрезни непосредно пред самата церемонија.
-Клои испи повеќе од потребното претходната вечер, па морав да ја будам. Лежеше и спиеше додека ја шминкаа, беше многу мамурна, изјави КК.
Ким и Каније најпрвин направија забава во Париз, а потоа решија да ја одржат самата венчавка во Фиренца.
-Се вљубивме во Париз, а останав бремена со Норт во Фиренца, па затоа сакавме да ја споделиме нашата љубовна приказна, објасни таа.
Иако медиумите пишуваа дека Вест имал говор од 40 минути, Кардашијан призна дека во суштина зборувал само 20 минути кои биле посветени на нивната врска и на тоа колку му значат Ким и Норт.