Јелена Карлеуша пред два дена го прослави својот 36-ти роденден без сопругот Душко Тосиќ.
Познатиот фудбалер моментално е во Турција, а поради обврските во клубот за кој игра никако не можел да се врати во Белград со цел да биде присутен на денот на неговата љубена. Пејачката организирала мала забава, а тогаш после полноќ отишла во познат клуб на Ада Циганлија.
Карлеуша во друштво на својот портпарол, тетката и уште неколку пријатели била сместена на сепаре, каде ги чекал шампањ, но таа веднаш се фатила за коктелите. Бидејќи не пие алкохол, морала малку да се опушти и да им удоволи на гостите, па поради тоа не ја испуштала чашката од раце се до моментот кога малку алкохолот не ја фатил. Пејачката се однесувала како тинејџерка и цело време играла, се смеела на глас и фрлала салфети во вис. Облечена многу оскудно, во шорц и деколтиран корсет, ЈК толку многу скокала што во еден момент и излегла брадавицата, па српските фотографи веднаш го фатиле тој момент. Пејачката се забавувала до изгревањето, кога во друштво на обезбедување си заминала во својот стан.
Имено, забавата била организирана на барање на нејзините пријатели.
- Душко не е тука. Славењето без него не е исто како да е тука, покрај мене. Пријателите инсистираа да правам голема забава, па им излегов во пресрет, вели таа.
Карлеуша добила многу поклони и цвеќе, а на прашањето што добила од сопругот, пејачката со насмевка одговорила:
- По поклонот на Душко ќе морам да одам во банка, изјави популарната српска пејачка.