Емина Јаховиќ никако да се реши и конечно да открие дали правела или не правела пластична операција. Таа во минатото имаше изјавено дека никогаш не легнала „под нож“, за потоа да го смени своето мислење и да открие дека дури и таа не би била имуна на естетската хирургија, но никогаш не одговори потврдно дека има „пластика“ на неа.
Сепак, откако нејзината популарност стана сè поголема со појавувањето како судија во регионалното издание на светски популарното музичко шоу X-Factor, таа ја избегнуваше оваа тематика, па некогаш беше за, а некогаш против пластичните операции.
Медиуми постојано шпекулираа дека сексапилната Емина ги има коригирано јаболчниците, устата, брадата, а некои пак отидоа до таму и објавија дека турската снаа ставила и балон во желудникот за да се заситува од малку храна и да биде слаба.
Сега, новинарите повторно ја прашаа за тоа дали освен носот, кој очигледно има добиено „поправање“, има други пластични операции, пејачката малку се збуни и направи „фаца како да паднала од Марс“.
- Тоа беше одамна... Пред седум години... Го направив носот исклучиво поради функционалноста, но и поради естетиката. Секоја жена треба, во граници на нормалата, да смени нешто на себе со цел да биде задоволна, изјави Емина.
Видеото погледнете го тука.