Поранешната актерка која се стекна со голема слава во ТВ серијата „Очајни домаќинки“, Ева Лонгорија ужива со својата пријателка, Серена Вилијамс, откако славната тенисерка го освои US Опен. Сепак, сексапилната актерка успеа да одвои и дел од своето време за да му се посвети на својот дечко Жозе Антони Бастон. Тие двајца поминале романтичен ден на базен во Мајами.
Триесет и деветгодишната убавица за таа пригода облекла шарено бикини кое совршено ги истакнува нејзините облини во кои може да ужива само нејзиното момче.
Атрактивната актерка веќе некое време е во врска со богатиот Мексиканец Жозе Антони Бастон, претседател на Televise.
- Многу сум среќна со него, изјави Лонгорија неодамна.
За својот дечко, актерката коментираше дека убаво се облекува и дека секогаш треба да се потруди за да се носи со него. Секси актерката моментално ужива во љубовта, но зад себе има бурно минато, пишува Daily Mail.
Ева прв пат се омажи за Тајлер Кристофер со кој беше во брак од 2002-та до 2004-та. Тогаш го запозна познатиот НБА кошаркар Тони Паркер за кој се омажи во 2007-та, а во 2010-та поднесе барање за развод. Таа сега повторно е во среќна врска.
