До раскошната венчавка на најголемиот шармер на светот, Џорџ Клуни, преостануваат уште само 8 дена.
Веќе е познато дека тој и убавата адвокатка Амал Аламудин ќе го кажат судбоносното ДА во Италија, а сега почнаа да се откриваат и повеќе детали за претстојната свадбена церемонија, која ќе ја разубави маестралниот глас на Андреа Бочели, кој пееше и на венчавката на Ким и Канје.
Кума од страна на невестата ќе биде нејзината сестра Тала, додека Клуни за кум го одбрал неговиот пријател Ранде Гербер, сопругот на поранешниот супермодел Синди Крафорд, со кој вредно работи на нивната сопствена текила „Casamigos“, која планира да им ја послужи на гостите.
Сите трошоци за раскошната венчавка ќе ги подмират родителите на невестата, Рамзи и Бариа, кои инсистирале на тоа заради традицијата, иако се зборува дека не им е толку драго тоа што овој неодолив холивудски срцекршач ќе им стане зет.