Џастин Тимберлејк имаше успешен скок од поп ѕвезда во актер, а истото го имаат направено и Вил Смит, Џенифер Лопез, Ice T, Џејми Фокс...
Сега, очигледно Леонардо ДиКаприо решил да го направи овој чекор, само во обратна насока. Новото видео кое денеска се споделува на интернет покажува како овој згоден актер рапува на песната Scenario на групата A Tribe Called Quest, во еден клуб во Холивуд.
Додека во Западен Холивуд, во клубот 10ak, промотерот Ричи Акива славеше роденден, Лео рипна на DJ пултот и го грабнал микрофонот. Иако фотографиите се малку матни, сепак може да се забележи Лео како стои со неговата препознатлива капа со која шета во последно време низ Њујорк. Неговиот колега од филмот на Тарантино, Django Unchained, Џејми Фокс исто така застана зад миксетата и му правеше друштво на својот другар.
На забавата исто така можеа да се забележат и Пи Диди, Робин Тикл и Џејсон Деруло, кои можеа во живо да го видат перформансот на актерот. ДиКаприо и досега не ја криеше љубовта кон хип-хоп музиката, но никогаш до сега го немавме видено да рапува јавно.
- Кендир Ламар е одличен, а исто толку добар е и 2 Chainz. Не го заборавајте него, рече Лео во 2013-та на MTV и додаде – 2Chainz е мое годиште. Горд сум што некој дечко на мои години добро се снаоѓа во хип-хоп светот.
Освен што е голем љубител на рап музиката, тој не крие дека ужива во повеќе музички правци.
- Јас сум фан на хип-хоп музиката долго време. Но исто така го сакам џезот и музиката од 40-те, а тука би го споменал и Стиви Вондер, открива ДиКаприо.
Инаку, тој ужива во својот кежуал стил шетајќи во Њујорк заедно со своите пријатели.
