На само две години од 50-тиот роденден, Синди Крафорд, е жена која може да се земе како пример за тоа како се старее со елеганција.
Поранешниот супер модел вели дека започнала да се грижи за својата кожа од 35-тата година и поради тоа денес може да се пофали со беспрекорен изглед.
-Секое утро правам напиток од бадемово млеко, спанаќ, свежо нане, какао, пола банана и малку протеин во прав. Навистина е вкусен и никогаш не се чувствувам надуено, туку напротив толку ми е добро што веднаш можам да одам на работа или да почнам со вежбање, открива Крафорд.
Според неа, секоја жена што сака да ја задржи својата убавина треба да не пуши, да пие многу вода и да ги правите нештата кои ја прават среќна.
-Мене најмногу ми значат семејството и кариерата. Сметам дека сум добра во својата работа и многу сум горда на кариерата. Некогаш имам премногу работа, што значи дека сум под голем стрес, но и понатаму сум возбудена кога одам на работа.