Новак Ѓоковиќ се огласи на Facebook, откако вчера вечер сопругата Јелена го роди нивниот прв син.
-Сега сме трио и пресреќни сме поради тоа! Горд сум на својата прекрасна сопруга која го роди нашиот прв ангел Стефан. Ви благодарам на сите!
За само половина час повеќе од 2000 обожаватели му го честитаа раѓањето на синот и постот беше споделен повеќе од 600 пати.
Ноле и Јелена за прв пат ја објавија веста за бременоста на 24-ти април, а стапија во брак на 10- ти јули на Свети Стефан во Црна Гора.
-Јелена е љубовта на мојот живот! Таа е способна, амбициозна и силна. Најмногу од сè ја сакам нејзината искреност. Токму тоа е она што не прави среќни во љубовта, изјави тенисерот во една прилика.
Семејството на Новак вечера вечер славеше во неговиот ресторан, додека семејството на Јелена беше со неа во Монте Карло.
