Обвинувањата на сметка на Бил Козби за сексуалните напади веќе со денови се главна вест во светските медиуми. Повеќе од десет жени сведочеа дека овој актер ги силувал, а добра упатени извори велат дека ова и не е некоја новост, туку само една од добро чуваните холивудски тајни.
Актерот кој има 77 години многумина го сметаат за еден од најголемите американски комичари, но се е поизвесно дека ќе остане запаметен како човек кој сексуално ги напаѓал жените,
Но, тој е само едно од познатите лица кои се обвинети за силување и насилство над жените за кои Холивуд сепак има разбирање.
Мајк Тајсон беше осуден за силување, за што беше и во затвор, а сега го позајмува својот глас на херој од цртан филм.
Роман Полански, познатиот режисер е обвинет за секс со девојче од 13 години. Тој со децении е во бегство, но тој, сепак, доби Оскар, како и други важни филмски награди.
За многумина добриот и духовит Бил Мареј, но за поранешната жена тој е силувач, кој според неа долги години психички и физички ја малтретирал, баш како и Рик Џејмс, Џон Ленон, но и Вуди Ален. Популарниот режисер не само што ја освои посвоената ќерка на својата поранешна жена туки и синот го обвини дека сексуално го злоставувал. Тоа за жал воопшто не влијаеше на неговата кариера.
На овој список се и Мајкл Џексон, Р.Кели кој поради злоставување на малолетник беше во затвор, Си Ло Грин, Крис Браун кој ја тепаше Ријана, Чарли Шин, Џош Бролин...