Еден од најпознатите водители на ток-шоу во светот, Џими Кимел, важи за човек кој има многу контакти со познати личности од шоубизнисот во Америка.
Неговата емисија Jimmy Kimmel Live! е едно од најгледаните лејтнајт шоуа во светот, токму поради неговата интересна смисла за хумор и популарните фаци кои секоја вечер гостуваат во неговото студио кое се наоѓа во Лос Анџелес.
Синоќа Џими во својата емисија ги донесе двете пријателки, Џенифер Анистон и Лиза Кудроу кои ги знаеме како Рејчел и Фиби од најгледаната ТВ серија во светот Friends. Тие две учествуваа во игра на пцости наречена „Славните пцујат“ (Celebrity Course Off).
Кимел, кој уште од минатото се има прокламирано како огромен обожавател на Friends уживаше во пцостите, а актерките играта ја сфатија доста сериозно.
Погледнете во видеото кое е апсолутен хит денеска што точно си кажаа актерките една на друга.