Жените од семејството Кардашијан имаат сè што ќе посакаат, но кога станува збор за мажите кои се или биле дел од познато семејство нештата воопшто не се розови.
Почнувајќи од најмалиот брат на Ким, Клои и Кортни, Роберт, па се сè до Брус Џенер и партнерите на сестрите, изгледа дека секој маж случајнo или не завршува несреќно.
Роберт Кардашијан
Најмладиот член на кланот со години се обидува да излезе од сенката на своите сестри. Сакајќи да се оттргне од семејството Роберт создаде сопствена линија на чорапи. Сепак, борбата со депресијата и прекумерната тежина си го направија своето, па денес потполно се дистанцира како од јавноста така и од своите сестри.
Брус Џенер
По смртта на стариот Роберт Кардашијан, главата на семејството Кардашијан Крис се омажи со Брус Џенер. По долги години брак, парот на крајот реши да разведе. Денес Брус се повеќе личи на жена. Направи операција на адамовото јаболко, постојано се подложува на лифтинг на лицето и ги лакира ноктите.
Скот Дисик
Кортни Кардашијан наскоро ќе го роди третото дете со Скот. Иако со години се заедно, таа постојано ја одбива неговата понуда за брак, а тој неодамна заврши во болница поради зависност од алкохол. Според последните информации двојката со години спие во различни спални и има сериозни недоразбирања.
Ламар Одом
Познатиот кошаркар е во бракоразводна парница со Клои Кардашијан. Нивната разделба следеше по скандалите кои настанаа поради неговата злоупотреба на дрога и алкохол. Тој одбива да ги потпише документите за развод надевајќи се дека ќе ја врати, но таа веќе е во врска со друг маж.
Крис Хемфрис
Уште еден кошаркар кој беше заплеткан во мрежата на Кардашијан, но овој пат во рацете на вештата Ким. Таа успешно му ја продаде приказната дека е лудо вљубена во него, за да го откачи по точно 72 дена од кога стапија во брак. За да биде уште потрагично, Хемфрис дозна за разводот од медиумите, а КК се обиде да си ја наметне улогата на жртва. Крис се обидуваше да докаже дека нивниот брак бил измама, но откако Ким остана бремена со Каније се откажа од својата намера и го даде долго посакуваниот развод.