Стивен Колинс со години беше еден од омилените телевизиски ликови благодарение на серијата „Седмо небо“ каде ја толкуваше улогата на свештеник и грижлив татко. Сепак, целиот добар имиџ кој го стекнуваше низ годините, преку ноќ падна во вода откако неговата поранешна сопруга откри дека Колинс во неколку наврати сексуално малтретирал деца.
По серијата обвинувања, актерот воопшто не се појави во јавноста, но даде изјава во која признава дека направил грешка. Деновиве тој повторно е актуелен во медиумите откако даде ексклузивно интервју во кое зборува за педофилијата.
-Пред 40 години направив нешто многу погрешно за кое длабоко жалам. Од тогаш до денес се каам за тоа, вели Колинс.
Запрашан дали некогаш имал чувство дека водел двоен живот, актерот одговара:
-Не бидејќи го оставив сето тоа зад себе. Јас сум човек со маани. Повеќето луѓе се скршени на некој начин и повеќето луѓе требаат, мораат или избираат да го сокријат тоа. Ова излезе...јас не сакав да излезе. Не сакав да се справувам со овие нешта јавно. Со нив се справив во својот приватен живот. Мислам дека сум човечко суштество со маани и направив сè што можам за да го сменам тоа.
Колинс изјави дека решил да зборува јавно за скандалот бидејќи сака луѓето да ја дознаат неговата страна на приказната.