Џенифер Анистон имаше среќен брак со Бред Пит, до моментот кога Анџелина Џоли не настапи на сцената. Џоли го заведе Пит, а Џен остана со прстот во уста. Од тука сосема е разбирливо зошто двете дами веќе 6 години не налетале една на друга на ниту една поголема манифестација.
Нивната средба на овогодишните Critics' Choice предизвика вистинска сензација во медиумите. Додека Анистон не се одделуваше од својот свршеник Џастин Теру и се трудеше да изгледа како да не ја вознемирува присуството на нејзината ривалка, Џоли блесна на црвениот тепих, но овој пат без сопругот Пит.
Таа ги почека Џастин и Џен да се фотографираат, па дури откако заминаа во салата и самата застана пред фотообјективите.
За да се избегнат било какви непријатни ситуации, Џоли и Анистон беа сместени што подалеку една од друга.
