Шегите на водителот Иван Ивановиќ изгледа сериозно го навредија српскиот претседател Томислав Николиќ, па најгледаното телевизиско шоу „Veče sa Ivanovom Ivanovićem“ вечерва нема да се емитува.
Како што дознава Блиц, емисијата е тргната од програмата по барање на сопственикот на телевизијата „Prva Tv“ бизнисменот Теа Киријакуа.
-Во овој момент единственото што можеме да ви го кажеме е дека во понеделник ќе добиете информација околу тоа што ќе се случи понатаму со емисијата „ Veče sa Ivanom Ivanovićem“, велат од телевизијата.
Сепак иако никој официјално не потврдува, анонимни извори од продукцијата откриваат дека причината за повлекувањето на шоуто се шегите на сметка на српскиот претседател Томислам Николиќ и неговата сопруга, кои што беа емитувани во последната емисија.
По се изгледа дека Иван Ивановиќ ја преминал границата шегувајќи се на сметка на претседателот, па сега следува казна за неговата непромисленост. Тој и понатаму останува недостапен за изјава, а вистината за она што навистина се случило ќе ја дознаеме следната недела.