Кралицата на поп музиката, Мадона (56), падна на сцената за време на својата изведба на Brit наградите, откако маскираните танчари и ја повлекоа наметката, но таа не се оддели од костумот на пејачката како што претходно беше планирано.
Мадона беше повлечена наназад при што падна по скалите и заврши на земја. За момент го прекина пеењето, а откако сфати дека не е повредена во свој стил храбро продолжи онаму каде што застанала.
Настапот требаше да биде запаметен како триумфално враќање на сцената на BRIT наградите по 20 години, но по сè изгледа наместо тоа ќе остане во сеќавање како настапот на кој Мадона спаси жива глава. Со оглед дека падна по скали на грб, среќа во несреќа е што помина без сериозни повреди.
-Се заплеткав во Армани. Мојата прекрасна наметка беше премногу цврсто закачена. Но, ништо не може да ме запре и љубовта навистина ме подигна. Ви благодарам за убавите желби! Добро сум!, напиша пејачката на својот Twitter профил, по што многу јавни личност го поздравија нејзиниот настап.