Пластични операции? Не благодарам!
Иако има 48 години и свесна за суровоста на филмскиот бизнис, Хали Бери не се откажува лесно од идејата да остане сосема природна кога станува збор за нејзиниот изглед.
- Не можам да лажам и да ви кажам дека такво нешто не ми поминало низ мислите бидејќи постојано ми го сугерираат. Знаете ако направите малку од ова, малку од она, подигнете ваму, подигнете таму, нештата ќе бидат малку подобри, вели оскаровката.
Бери ги спореди пластичните операции со зависноста од крек велејќи дека луѓето зафат, по зафат започнуваат да се навлекуваат на нив и ги тераат сите околу себе да се навлечат.
-Јас само сакам да се грижам за себе си, дури и тоа да е постара верзија на мене. Мислам дека кога правиш многу пластични зафати, на некој начин стануваш некој друг, објаснува Хали и додава „Треба да престанеме да изгледаме како пред 10 години. Треба да престанеме да се бориме со тоа. Пуштете ги годините и прифатете ја сегашноста и сè ќе биде во ред. Лесно е да се каже, но претпоставувам, дека и во тоа е целта“.