-Ја познавав Јелена од гледање, ми беше мошне згодна и симпатична, па на хостесата и реков дека би било интересно доколку таа и јас започнеме да се забавуваме, зошто обожавам Далматинки. На тоа хостесата ми рече „Ма каква Јелена!. Смотај ја Северина ако си фраер“. И одговорив „Само треба да ја запознам и пет минути ќе ми бидат доволни“, изјави Милан Поповиќ пред неколку години кога зборуваше за тоа како тој и Севе завршиле заедно.
Неговите зборови сега се враќаат како бумеранг откако на големо се зборува дека тој и Розга се во страсна врска.
За сега портпаролите на трите ѕвезди мудро молчат околу целата ситуација, додека блиски извори до инволвираните страни шпекулираат дали веста за Јелена и Милан е вистина или пак стратешко пецкање наменето да ја налути Северина.
-Розга и Поповиќ? Сè е можно! Таа во моментов нема нова песна, па малку медиумска прашина воопшто нема да и пречи. На него ни на крај памет не му паѓа да демантира врска со убава и популарна пејачка, вели еден од упатените пријатели.
Севе и Розга некогаш се покануваа една со друга на концерти и беа добри пријателки, но ривалството за тоа која е кралица на хрватската музичка сцена си го направи своето, па за кратко го расипаа односот.